Остин, Техас — Остин шаҳридаги Alpha School мактабида 4–5-синф ўқувчилари шunchaki ўқимайдилар — улар таълимнинг янги чегараларини яратмоқдалар. Ҳар бир босилган тугма ва ҳаракат сунъий интеллект ёрдамида йўналтирилади.
Ўқувчилар ҳар куни икки соатни фан, математика ва ўқишга сарфлайди, ўз тезлигида махсус, сунъий интеллект орқали мослашувчи дастурлар билан ишлайдилар.
Синфда катталар ўқитувчи эмас, гид деб аталади ва уларнинг ойлик маоши юқори. Улар билим бермайдилар, балки болаларни илҳомлантиради ва руҳлантиради.
— “Менимча, алгоритм ўқитувчини алмаштирмаяпти, балки у билан ҳамоҳанг ишлаяпти”, — дейди гид Люк Филлипс.
Тушдан кейин мактабдаги ҳаёт ўзгариб кетади: болалар лойиҳалар устида ишлайдилар, молиявий саводхонлик ва оммавий чиқишлар бўйича машғулотлар олиб борадилар. Мактаб асосчиси МакКензи Прайс бу кўникмаларни ҳаётда беқиёс деб ҳисоблайди.
— “Агар ўқувчи ўз даражаси ва ривожланиш суръатига мос тарзда ўқиса, бу катта устунлик беради”, — дейди Филлипс.
Прайс 2014 йилда мактабни очган, у вақтда у педагог эмас эди. Ҳозирда бутун АҚШ бўйлаб 16 та кампус фаолият кўрсатмоқда, уларни йирик сармоядорлар қўллаб-қувватламоқда. Яқинда мактабни Таълим вазири Линда МакМахон ҳам зиёрат қилди.
Сунъий интеллектга ишонишга шубҳа билан қараувчилар ҳам бор. Шунинг учун Прайс таъкидлайди:
— “Бизнинг гидлар академик фанларни ўқитишмайди, аммо болалар билан доимий алоқада бўлади. Ҳар ҳафта ҳар бир ўқувчи ўз гиди билан ярим соатлик шахсий суҳбат олиб боради, шунингдек, тушдан кейинги семинарларда жамоавий мулоқот бўлади.”
Бу тажриба арзон эмас — Остиндаги Alpha Schoolда таълим йилига 40 минг доллар туради.
— “Биз жамоат таълим тизимида жуда кўп муаммолар борлигини биламиз. Шунинг учун мен умид қиламанки, Alpha мактаби намуна, илҳом ва оилалар учун янги ўқув модели бўлади,” — дейди Прайс.
Мактаб маълумотларига кўра, Alpha ўқувчилари стандарт тестларда 1% энг юқори натижага киради. Шу билан бирга, айрим мутахассислар сунъий интеллект моделларига ҳануз эҳтиёткорона ёндашмоқда.
Бироқ болалар учун бу янги дунё қизиқарли ва илҳомлантирувчи: ўқувчи Смит Адреон бу дастурни “ажойиб” деб атади.
