Chirchiq va butun mamlakatda havo sifati haqida tashvish ortib bormoqda. Havo ifloslanishining asosiy sabablaridan biri avtomobillardan chiqayotgan gazlar. Bu masala hech kimni befarq qoldirmaydi. Ko‘plab chirchiqliklar havo sifatining indeksi bilan yaqindan tanishib, endi chora ko‘rish vaqti keldi!
🚗 Ekologiya vazirligi «Toza havo» aksiyasini boshladi! 🌱
10-apreldan 10-mayga qadar YPX va ekologik nazorat organlari avtomobillarga tekshiruv o‘tkazib, ularning ekologik standartlarga mosligini tekshiradilar. Maxsus jihozlar yordamida uglerod oksidi, azot oksidlari va boshqa ifloslantiruvchi moddalar chiqarilishini o‘lchashadi.
❗ Buzuvchilarga qanday jazolar qo‘llanadi?
- Agar chiqindi gazlar belgilangan normadan oshsa, avtomobilni tuzatilgunga qadar ishlatishga ruxsat berilmaydi.
- Shuningdek, bunday transport vositalari egalari jarimalarga tortiladi.
🔴 Ikkinchi bosqich qachon? Aksiya avgust-sentyabr oylarida davom etadi va uning asosiy maqsadi — havoning sifatini yaxshilash va haydovchilarni ekologik mas’uliyatga jalb qilish.
🌟 Har birimizning harakatimiz ekologiyaga ta’sir qiladi! Chiqindilarni kamaytiramiz — shaharlarimizdagi havoni tozalaymiz. Aksiya bilan birga bo‘ling va mas’uliyatni his qiling! 💚
#TozaHavo #Ekologiya #YashilSayora #Chirchiq #Avtomobillar #Mas’uliyat #EkologikAksiya
