Тошкент вилояти Олмалиқ шаҳридаги Олмалиқ кон-металлургия комбинати ўйингоҳида “Президент олимпиадаси”нинг вилоят босқичи тантанали равишда бошланди.
Нуфузли спорт мусобақаларида Чирчиқ шаҳри спортчилари ҳам муносиб иштирок этиб, шаҳар шарафини ҳимоя қилмоқда.
“Президент олимпиадаси” ёшлар орасида соғлом турмуш тарзини тарғиб қилиш, уларнинг спортга бўлган қизиқишини янада ошириш, истеъдодли спортчиларни аниқлаш ва қўллаб-қувватлашга хизмат қилувчи муҳим спорт тадбирларидан биридир.
Вилоят босқичида Чирчиқ шаҳридан спортнинг 19 тури бўйича жами 139 нафар спортчи қатнашмоқда. Улар юқори натижаларга эришиш ҳамда шаҳар шарафини муносиб ҳимоя қилиш учун беллашмоқда.
Чирчиқлик спортчиларга омад, ёрқин ғалабалар ва юксак натижалар тилаймиз! 💪🏆
Фото: пресс-служба хокимията
