Сўнгги пайтларда Чирчикдан Тошкентга йўлдаги тирбандликлар кучайиб бормоқда. Масофа катта эмас, лекин сафар вақти тобора узаяяпти. Кўпчилик ҳазиллашиб айтади: «Тирбандлик бўлмаса, 15–20 дақиқада етиб оламиз!»
Агар бу ҳақиқатга айланса-чи? Фақат тўлов эвазига?
🛣 Илк тўловли йўллар 2026 йилда
Келаси йил Тошкент – Самарқанд ва Тошкент – Андижон тезюрар тўловли трассаларини қуриш бошланади.
Ҳозирча Чимён томон йўл ҳақида маълумот йўқ, лекин мутахассислар фикрича, келгусида Чимён ва Чорвоқ йўналишидаги дам олиш масканларигача тўловли йўллар қурилиши мумкин.
💸 Йўл ҳақи қанча бўлади?
Дастлабки ҳисоб-китобларга кўра, 100–200 км масофадаги йўл учун тахминан 100 минг сўм тўланади.
Қиёс учун: оддий йўлларда радарлар кўплиги сабаб, тезликни ошириш учун ҳар сафар 200 минг сўмча жарима тўлашингиз мумкин.
Тарифларни Вазирлар Маҳкамаси тасдиқлайди, энг юқори чегарани эса Транспорт вазирлиги белгилайди.
Шунингдек, масофага қараб ёки бутун йўл учун алоҳида тўлов тизими жорий этилади.
🧭 Асосий қоида: алтернатива бўлиши шарт
Тўловли трассалар фақат бепул йўл мавжуд бўлган тақдирда қурилади.
Янги йўл эса фақат асфальт эмас:
- ҳаракат тезлиги — 150 км/соатгача (ҳозирги 100 км/соат ўрнига);
- чораҳа ва светофорларсиз ҳаракат;
- мостлар, дам олиш майдонлари, ёқилғи шахобчалари, техник хизмат станциялари — хориждаги каби.
⏱ Бу нимани беради?
Мутахассислар фикрича, Тошкент – Андижон йўли 5,5–6 соатдан 3 соатгача қисқаради.
Вақт тежалади, ёқилғи кам сарфланади, атроф муҳитга зарар камаяди.
Бизнес учун — тезкор товар айирбошлаш, фуқаролар учун — вақт тежамкорлиги.
💰 Нима учун инвесторлар керак?
Бир километр йўл қурилиши 900 минг – 1,5 миллион доллар туради.
Бундай харажатни давлат тўлиқ қоплай олмайди, шунинг учун йўллар Давлат-хусусий шериклик (ГЧП) асосида қурилади.
Инвесторлар маблағ киритади, давлат эса тежалган маблағни мавжуд йўлларни таъмирлашга йўналтиради.
🏞 Чирчикликлар учун нима ўзгаради?
Агар тўловли трассалар ўзини оқласа, эҳтимол, келгусида Тошкентдан тоғ йўналишига — Чимён ва Чорвоқгача тезюрар тўловли йўл қурилиши мумкин.
Бу ҳолда чирчикликлар учун Тошкентга йўл 1 соат эмас, 15–20 дақиқагача қисқариши мумкин бўлади.
