Yaqinda biz Chirchiqda soxta asal sotayotgan firibgarlar va telefon orqali chuv tushiradiganlar haqida yozgandik. Bugun esa yana bir xavfli hodisa: Telegram’dagi yangi firibgarlik turi, sun’iy intellekt yordamida amalga oshirilayotgan hujum.
Telegram messenjeri ommabopligi ortib bormoqda (foydalanuvchilar soni allaqachon 1 milliarddan oshdi!), shuning uchun jinoyatchilarning bu platformani faol o‘rganayotgani ajablanarli emas. Hatto Ilon Mask ham bu munosabat bilan Pavel Durovni tabrikladi.
🤖 Neyrotexnologiyalar va soxta videolar orqali firibgarlik
Zamonaviy texnologiyalar, xususan, sun’iy intellekt (AI) firibgarlar qo‘lida kuchli qurolga aylanmoqda. Ular Telegram’dagi akkaunt egalarining suratlaridan foydalanib, atigi bir necha daqiqada deepfake videolar yaratishmoqda — go‘yoki unda sizning yaqinlaringiz tasvirlangan.
Firibgarlik sxemasi juda oddiy va xavfli:
- Sizga video xabar yuboriladi, unda “qarindoshingiz” pul o‘tkazishingizni yoki tasdiqlovchi kod yuborishingizni so‘raydi.
- Video sifati shunchalik realki, haqiqiylikni ajratish deyarli imkonsiz.
- Ishongan foydalanuvchilar pullaridan, shaxsiy ma’lumotlaridan yoki akkauntlaridan ayrilmoqda.
⚠️ Qanday qilib chuv tushmaslik va o‘zingizni himoya qilish mumkin?
🔒 Hech qachon quyidagilarni bermang:
- Tasdiqlovchi kodlar (SMS, push)
- Akkaunt parollari
- Bank ma’lumotlari
📵 Agar sizga shubhali video yoki xabar kelgan bo‘lsa — avval yuboruvchiga o‘zingiz qo‘ng‘iroq qilib aniqlashtiring, hech qanday harakat qilmang.
📢 Qarindosh va yaqinlaringizni ogohlantiring
Firibgarlar ayniqsa katta yoshdagi insonlarni nishonga olishmoqda, chunki ular raqamli texnologiyalarni yaxshi tushunmasligi mumkin. Ularni bu yangi sxema haqida xabardor qiling, misollarni ko‘rsating va o‘zlarini qanday himoya qilish mumkinligini tushuntiring.
🛡️ Eslab qoling
Bugun Telegram’dagi deepfake firibgarligi — bu ertak emas, balki real xavf. Ehtiyot bo‘ling, har qanday ma’lumotni tekshirib chiqing va “qarindoshlaringizdan” kelgan videolarga darrov ishonmang.
