Калифорния университети олимлари аёллар ва эркаклар организмларининг алкоголга бўлган реакциясида жиддий фарқ мавжудлигини аниқлади. Аёлларда стресс гормонлари спиртли ичимликларга камроқ реакция билдириши сабабли, уларда мослашув тезроқ юз беради.
Тадқиқотда 66 нафар ёш киши, жумладан 35 нафар аёл иштирок этди. Барча иштирокчиларга бир хил миқдорда алкоголь берилиб, қон босими, пульс, тана ҳарорати ва кортизол ҳамда АКТГ гормонлари даражаси ўлчанди.
Натижалар шундан далолат бердики, бир хил даражадаги мастликка қарамай, аёлларда кортизол даражаси паст бўлган. Эркакларда эса қон босими каби вегетатив нерв тизими реакцияси кучлироқ кузатилди.
Олимларнинг тахминича, бундай фарқ эволюцион мослашув натижасида юзага келган. Бу ҳолат аёлларнинг ҳомиладорлик давридаги стрессларга чидамли бўлишига ёрдам берган, бироқ бу билан бирга алкоголнинг таъсирини камроқ ҳис қилишга ҳам олиб келади. Бу эса ичкиликка мослашувнинг тезлашишига сабаб бўлиши мумкин.
Шунингдек, мутахассислар ортиқча алкоголь истеъмоли хусусан аёллар орасида ёши катталар ичида кўпаяётганини ҳам таъкидламоқда.
